{"id":2027,"date":"2015-02-04T09:38:14","date_gmt":"2015-02-04T09:38:14","guid":{"rendered":"http:\/\/www.terraantica.org\/?p=2027"},"modified":"2018-08-29T18:57:38","modified_gmt":"2018-08-29T18:57:38","slug":"2027","status":"publish","type":"post","link":"https:\/\/www.terraantica.org\/?p=2027","title":{"rendered":"La stropa"},"content":{"rendered":"

FASEMO FILO’<\/span><\/p>\n

La stropa<\/span><\/strong><\/p>\n

di Gianni Padrin<\/span><\/p>\n

E si, na volta ghe giera la stropa.<\/span>
\n Na roba utile, che serviva sempre, in autunno, inverno e primavera; in ist\u00e0 no, parch\u00e8 la gavea le foie e quele bisognava asarghele, sen\u00f2, no le creseva abastanza, anche se quando che no ghe gera spaghi sol campo, qualcosa bisognava doparare par ligare i sachi del formento che s\u2019impienava dala trebia.<\/span>
\n E ghe gera diferenze de grandessa,\u00a0quea picola se ciamava stropeghin,\u00a0quea mezana stropeta,\u00a0quea seria la stropa,\u00a0ma quea pi grande ancora, se ciamava stropon.<\/span>
\n Partimo dala prima, el stropeghin, ch\u2019el serviva par ligare i cai dele vegne, ma anca altri rameti de piante e fiori fini, alla bisogna.<\/span>
\n La stropeta invese la serviva par ligare i cai pi groseti.<\/span>
\n Ma la stropa, quea bona, grossa come un deo e longa pi de un metro, la podeva far el giro de na troza o de ligare do vegne, col so palo.<\/span>
\n El stropon invese serviva da ligarlo alla test\u00e0 delle piant\u00e0, dove che ghe gera el tirante del vegnae, in modo che qualche\u2019dun, che ghe vedeva poco o che gera un poco imbriago, nol se imbalzasse e rassasse el muso par tera.<\/span>
\n Ma questo come gereo tac\u00e0 ? Co du stropeghini.<\/span>
\n Quando che qualche volta nialtri fioi, combinavino colcossa che no ndava ben, qualche altro p\u00ec grande, ne urlava drio \u201cA te dao do stropon\u00e0 se te lo f\u00e8 naltra volta.\u201d Sempre se nel fratempo no te gera s\u00e0 riv\u00e0 na renga in te la copa o na catana so la gropa, do groste so le spale o na viola da de sora.<\/span><\/p>\n

\"RIVA32K.jpg\"<\/p>\n

Me pop\u00e0 el\u2019ndava a taiarle co la forbese da brusca pi nova, pi longa e che taiava meio, par far pi forza nel strucare. Non le taiava a culo, dove che la gema gavea but\u00e0, ma tre o quatro sentimetri pi alto, in modo che le geme de ch\u2019el tochetin, podesse butare l\u2019anno dopo.<\/span>
\n Se qualche volta moriva quello che le produsea, cio\u00e8 el stroparo, bastava piantare un stropon in riva al fosso, cavando su queo vecio. Se brus\u00e0, col gran fredo che ghe gera, de sicuro non fasea bronze, ma almanco un poco de caldo s\u00ec.<\/span>
\n Un artista el gera me pop\u00e0 a girare i dei grossi che\u2019l gavea, torno el stropeghin pi fin. El gropo el gera sempre beo, nol se sligava e gnanca el se rompea.<\/span>
\n Mi gavea prov\u00e0 tante volte, ma i gropi strani no i me se mai nd\u00e0 so.<\/span>
\n Ste strope per\u00f2, prima de dopararle, bisognava metterle a fasine, soto acqua o in riva al fosso, o so na vasca vecia in moia, in modo che le restasse bele morbie.<\/span>
\n Se toeva du mazzi al d\u00ec, in base al lavoro che se fasea e i se ligava con do strope, uno da na parte e uno da l\u2019altra de\u2019l scalonzin a triangolo, quelo col palo in mezo.<\/span>
\n Chi no gavea stropari, andava a comprare le strope, da chi che le gavea, pagandole in base a quanto le gera bone. Ghe gera chi le preferia co la scorza rossa, altri quelle zale pi nostrane, altri oncora no ghe importava un figo, bastava che no le sciocasse al primo giro del polso che le ligava. La produsion, nostra gera un birocin ogni anno. No serviva farghe gnente, le creseva da sole so la pianta, bastava el sole.<\/span>
\n Qualche volta, quando che le faseva i bai mori e se pompava le vegne col verderame,<\/span>
\n se ghe gera oncora acqua, dopo aver finio la piant\u00e0, se ghe sprusava, l’ultima slong\u00e0 co na secia de acqua che se toeva dal fosso, par lavare la botesela.<\/span>
\n Me zia Onorina, nei so ultimi anni, la tirava st\u00e0 cana co tute le so forze e ve assicuro che non ghe ne gavea tante, parch\u00e8 in fabrica la gavea respir\u00e0 par tanti anni, la cola da legno e le onge le gera sempre deform\u00e0.<\/span>
\n Che bruta fine la g\u00e0 fato, come anca me zia Irma, me zia Bertina e prima so fiola, la me cugina Luigina, una dopo l\u2019altra.<\/span>
\n Pori i me stropari, quando che s\u00e9 riv\u00e0 la lotizazion, i s\u00e8 sparii.<\/span>
\n Mi, che’l giorno, no ghe gero, ma so che me saria vegnesto el grop\u00f2n in gola, quando la ruspa li g\u00e0 sepelii oncora vivi.<\/span>
\n Anca lori i gavea diritto de vivare come nialtri.<\/span>
\n Adesso par ligare le vegne ghe s\u00e9 el filo de plastica.<\/span><\/p>\n

==============================================================
\n

When the last tree is cut down, the white man will understand he too cannot breath.<\/p>\n